Тренерот на Манчестер сити, Пеп Гвардиола, не беше многу загрижен по синоќешниот пораз од Тотенхем на гостувањето во Лондон (1:0) во четвртфиналето на Лигата на шампионите.
„Граѓаните“ загубија со гол примен во завршните 15 минути, а пропуштија пенал преку Агуеро за водство во првото полувреме.
– Ние создадовме шанси. Не беше само пеналот. Ја контролиравме играта и не дозволивме противникот многу да нападне. Резултатот не е најдобар, но за да одиме понатаму, треба да бидеме ефикасни. Постојат клучни моменти во фудбалот. Игравме добро, но ова е Лига на шампиони, ова е тест за нас. Пропуштениот пенал на Агуеро? Следниот пат тој ќе го погоди. Сега треба да се подготвиме за следниот меч со Кристал Палас. Немаме време да размислуваме за Тотенхем – истакна Гвардиола.
ФОТО: EPA / FRIEDEMANN VOGEL
