Српската актерка Наџа Регин која се појавила во филмовите за Џејмс Бонд „Од Русија со љубов“ (1963) и „Голд-фингер“ (1964), починала на 87-годишна возраст, само една недела по смртта на уште една девојка на Бонд, Танија Малет.
„Многу ни е жал што Наџа Регин почина на 87 години. Нашите мисли се со нејзиното семејство и пријателите“, пишува на официјалната страница на филмовите за агентот 007 на Твитер.
Иако во официјалната биографија стои дека Наџа е родена во Ниш, европската филмска дива со српско потекло своите први актерски чекори ги направила во Краљево, каде го поминала детството, на приредбите за деца, а имала тогаш само седум години.
Во „Од Русија со љубов“, ја играла девојката на негативецот Карим, додека наредната година во „Голд-фингер“, со улогата на Бонита станала и една од девојките на Бонд. Соработката со актерот Шон Конери ѝ ги отворил потоа вратите во светот на глумата.
ФОТО: Профимедиа
ФОТО: Принтскрин/Твитер
