Пратеникот Антонио Милошоски, кој со македонска делегација во Стразбур, учествува во работата на Парламентарното Собрание на Советот на Европа ја пречкрта Северна Република Македонија на својата апликација.
„Македонија е името на народната воља, согласно референдумите од 1991 и 2018 година!
Искористи ја за таа цел секоја можност, секоја акредитација, секој потпис и обележје, дома и во странство, во име на правото на самоопределување и заради достоинството на секој Македонец!,“напиша Милошоски на Фејсбук.
Во наредните неколку дена делегацијата на македонското Собранието е во Парламентарното Собрание на Советот на Европа, предводена од шефот на делегацијата Бетиане Китев, а во чиј состав се и пратениците Шпреса Хадри и Антонијо Милошоски. Тие ќе учествуваат на Вториот дел од редовната сесија на ПС на СЕ што се оддржува во Стразбур, Република Франција.
