На Заев му беше срам, се плашеше и препелкаше не сакаше да изусти дека Македонците во Северна Грција зборуваат македонски, напиша лидерот на ВМРО-ДПМНе Христијан Мицкоски на Фејсбук по ТВ дуелот со премиерот и лидер на СДСМ Зоран Заев.
– На Заев му беше срам, се плашеше и препелкаше не сакаше да изусти дека Македонците во Северна Грција, во Егејскиот дел на Македонија зборуваат македонски јазик, затоа што со договорот ги избриша. А неговиот министер прати дипломатска нота во која што појаснуваше, напиша Мицкоски.
И партијата соопшти дека Заев се срами од Република Македонија.
– Исплашен и во нервоза цело интервју не смееше да го изговори името Македонија, па стотина пати го повтори новото име кое го донесе против волјата на граѓаните. Стравот на Заев беше очигледен и кога не смееше да зборува за Македонците во Грција, ниту за нивното постоење, ниту за тоа на кој јазик зборуваат, стои во соопштението.
