За прв пат во општина Шуто Оризари денеска се отвори читална за потребите на студентите Роми од оваа општина.
Читалната која е позиционирана во просториите на СУГС ,,Шаип Јусуф” е отворена со поддршка на локалната самоуправа, во соработка со СУГС ,,Шаип Јусуф”, а во иницирање на студентите Роми.
На отворањето се обрати Градоначалникот на општина Шуто Оризари Курто Дудуш, кој во своето излагање истакна дека читалната се отвора за потребите на студентите со цел обезбедување на простор за учење.
Тој напомена дека вратите на општината се отворени за сите младински иницијативи и нови идеи. Потребни се млади Роми со желба и ентузијазам да придонесат во заедницата, бидејќи само преку позитивни примери се развива просперитетно општество.
,, Општината е отворена за сите барања кои се во наша надлежност. Вие треба да бидете огледало за помладите генерации ”, истакна Градоначалникот Курто Дудуш.
Советничката за образование Рамиза Сакип ја искажа својата благодарност до директорот на СУГС ,,Шаип Јусуф” .
,, Правиме патишта за идните генерации. Бидете таму за каде што сметате дека имате најголем потенцијал и капацитет и така сите ќе се огледуваат на вас”. рече советничката за образование Рамиза Сакип.
Потребно е подобрува на комуникација меѓу средношколците и студентите, бидејќи така се доаѓа до трансфер на искуства, меѓусебно мотивирање и создавање на квалитетен кадар.
Взаемната поддршката е најважна за постигнување на успех во овој процес.
