Македонскиот институт за медиуми (МИМ) денеска ќе ја додели наградата „Никола Младенов“ за најдобра истражувачка сторија во 2018 година.
Свеченоста за доделување на наградата ќе се одржи во Музеј на Град Скопје.
На годинешниот конкурс се пријавија 30 автори со 45 стории, обработени во 131 текст/видео прилог, објавени на интернет портали, телевизии, дневни весници и во неделници.
Наградата за најдобра истражувачка сторија се доделува традиционално по осумнаесетти пат, како дел од заложбите на МИМ за унапредување на професионалното новинарство и на демократските вредности во земјава.
