Плацот на Шумското стопанство „Беласица“ во Струмица, на кој има запленети над илјада возила и приколки од дрвокрадци, ќе почне да се чисти по завршувањето на претседателските избори.
Ова е одлучено на средбата на која покрај претставници на струмичкото Шумско стопанство присуствувал и директорот на Агенцијата за одземен имот, Фатон Асани, претставник на Основиот суд во Струмица и на СВР-Струмица.
На средбата е заклучено да почне постапката за спојување на одеземените возила и предмети за кои има правосилни судски одлуки и тие да се понудат на продажба.
Чистењето на плацевите кои се полни со запленети возила од дрвокрадци, кои таму се складирани и повеќе од десет години, ќе почне од Струмица, а ќе продолжи и во другите складишта на ЈП „Македонски шуми“.
