Австралискиот екстремист Брентон Тарант пред да пука во џамија во Нов Зеланд ја слушал песната „Златиборе висока планино“ на Ера Ојданиќ. Ојданиќ се запрепастил кога слушнал за масакрот.
– Мајко моја, што ме снајде? Терорист од Нов Зеланд ја слуша мојата „Златиборе, висока планино“. Ова е страшно… ова е ужас! Не можам да верувам. Кога ја слушнав на телевизија мојата музика, кога најавија дека се убиени 39 луѓе и десетици се ранети… Што можам да кажам? Многу ми е жал! Моето искрено сочувство на сите семејства од Нов Зеланд кои ги изгубија своите најмили во џамијата – рекол Ојданиќ за српски „Курир“.
