Евроамбасадорот Самуел Жбогар на Твитер изрази воодушевување од документарецот „Медена земја“, годинешниот победник на „Санденс“.
„Бев воодушевен од победникот на „Санденс“, македонскиот документарец „Медена земја“. Тоа е суров, но нежен филм, каде што тишината зборува стотина зборови, со порака за меѓузависноста на човекот и природата, со силната и неверојатна жена Атиџе. Честитки до Тамара и Љубомир“, пишува Жбогар.
„Медена земја“ е документарен филм за последната жена-одгледувач на диви пчели во Европа. Во него е прикажана припадноста на човекот кон природата и нарушување на природната рамнотежа преку судир на два различни начина на искористување на природните ресурси.
Продукцијата е на „Аполо медија“ на Стефанов и „Трајс филмс“ на Атанас Георгиев. Музиката во филмот е на „Фолтин“.
I was charmed by Sundance winner #Honeyland #MedenaZemja documentary last night. Harsh and yet tender movie, where silence speaks hundred words, with message on interdependence of humans and nature, and with strong and amazing woman @Atidze. Congrats to makers Tamara and Ljubomir pic.twitter.com/MRLppTvIW3
— EU Ambassador (@AmbassadorEU) March 13, 2019
