Патничка од саудиска компанија барала авион кој полетал за Куала Лумпур да се врати, бидејќи го заборавила бебето во чекалната на аеродромот.
– Бог нека ни е на помош. Можеме ли да се вратиме? Што да правиме? Патничката го заборавила бебето во чекалната – појаснил пилотот.
Контролорите не биле сигурни што слушнале, па барале тој да го повтори барањето.
– Во ред. Вратете се на терминалот. Ова досега сме го немале – одговориле тие.
Не се знае дали авионот полетал или бил на пистата, кога жената сфатила дека ѝ го нема детето.
