Венус Вилијамс покажа дека се уште може да се натпреварува со најдобрите, победувајќи ја бр.3 во шемата во Индијан Велс – Петра Квитова, во еден најинтересните дуели од вториот круг на турнирот кај дамите.
Триесет и осум годишната Вилијамс оствари пресврт за победа на средбата со 4:6, 7:5, 6:4 за речиси 2 часа и 30 минути на теренот. Првиот сет беше решен со брејк на сметка на Чехињата, која сепак губеше гемови на свој сервис вкупно пет пати до крајот на натпреварот и на крајот се прости со понатамошно учество во турнирот.
Победничката од минатата година и бр.1 во светот Наоми Осака не мораше да вложи многу труд, за да стигне до третото коло, откако ја надигра Кристина Младеновиќ со 6:3, 6:4. Јапонката забележа пет аса во средбата и три пати направи брејк против својата противничка за конечна победа во натпреварот.
Во следното коло на Индијан Велс продолжуваат уште Каролина Плишкова, Кики Бертенс, Анжелик Кербер и Арена Сабалаенка.
