„Ел Класико“ од 26-тото коло на Ла Лига, кое се одигра на „Сантијаго Бернабеу“, имаше тензични моменти, особено по агресивниот влез од страна на Серхио Рамос против Лионел Меси на крајот на првото полувреме.
Телевизиското шоу „Ел Партидазо де Вамос“ покажа снимки, во кои се гледа како дефанзивецот на Реал Мадрид, Серхио Регилон ги навредува Луис Суарез и Лионел Меси.
Во една од ситуациите Регилон се соочува со Луис Суарез и му вели: „Не ме допирај, не ме допирај. Ти си навистина грд, ти си навистина грд“.
Подоцна се вмешува и Лионел Меси. Дефанзивецот Реал Мадрид се обраќа на Аргентинецот на следниов начин: „Што? Шт случува? Што те мачи? Болва“.
