Холивудската ѕвезда Џони Деп ја тужи екс сопругата Амбер Херд и бара 50 милиони долари, откако таа претходно го обвини за физичко насилство.
Нејзините обвинувања за злоставување од пред повеќе од две години, тој ги нарече „лажни“ и одлучи да ја тужи, пишува „The Blast“.
Тужбата всушност се однесува на новинарски прилог од 32 годишната Амбер, во кој се тврди дека и се заканувале со смрт и останала без работа, откако го обвинила за злоставување.
Двајцата беа во брак 15 месеци, а таа во 2016 година објави фотографија од лицето со модринки, тврдејќи дека тој и ги нанел раните, откако и го фрлил телефонот во лице.
Актерот од самиот почеток ги отфрла обвиненијата и тврди дека тој е жртва на злоставувањето.
ФОТО: EPA/ETTORE FERRARI
