На седницата на црногорскиот парламент кој денеска го ратификуваше протоколот за пристап на Македонија во НАТО дојде до инцидент и конфликт во кој вербално беше нападнат македонскиот претседател на Собранието Талат Џафери, пренесе Вијести.
Лидерот на Нова српска демократија Андрија Мандиќ рече дека неговата партија нема да го поддржи протоколот за пристапување на Македонија во НАТО и им приговараше на пратениците од ДПС, кои свечено го дочекаа Џафери.
– Тој е најпознат по носењето автомат и пукањето во македонски полицајци. Срам да Ви е – рече Мандиќ.
И пратениците Јован Вучуровиќ и Милун Зоговиќ му рекоа на Џафери дека бил член на терористичка организација.
