Поради протест на група граѓани во населбата Ченто во Скопје блокирани се улиците „Алија Авдовиќ“ и главната „Методија Андонов Ченто“.
Од МВР потврдуваат дека има протест, но нема официјални информации за причините поради кои се протестира.
На протест се излезени околу 50-тина граѓани, а жители кои живеат во тој дел велат дека протестот е во знак на револт за вчерашната сообраќајка кога на „Алија Авдовиќ“ беа повредени две деца на возраст од девет години.
Двете дечиња се хоспитализирани во градската општа болница „Свети Наум Охридски“ во Скопје. Едното дете е во критична состојба, а кај другото се констатирани телесни повреди. Несреќата се случила вчера околу 12.35 часот кога 31-годишен скопјанец удрил во нив со автомобил.
