Продолжува акцијата за доделување на субвенции за чистење на оџаците за намалување на загадувањето на амбиентниот воздух, соопшти Град Скопје.
И во 2019 година Град Скопје објави јавен повик за субвенционирање на домаќинства и на други субјекти а подрачјето на градот за чистење оџаци за 2019 година.
– Со овој повик, Градот Скопје надоместува дел од трошоците на домаќинства и на други субјекти за чистење на оџаците, во износ од 1.000 денари, а на јавниот повик можат да учествуваат физички и правни лица чие живеалиште, односно седиште е на подрачјето на Град Скопје. Јавниот повик трае заклучно со 30.11.2019 година, и ќе биде реализиран по принципот „прв дојден прв услужен“, односно до реализирање на средствата предвидени за оваа намена со Буџетот на Град Скопје за 2019 година, стои во соопштението.
Повеќе информации за јавниот повик и условите за аплицирање можете да добиете на следната интернет врска – www.skopje.gov.mk/Uploads/JavenPovik/Јавен повик – Оџаци-2019.pdf
Барањето за надоместок можете да го преземете на следната интернет врска –
Целта на овој проект е намалување на загаденоста на амбиентниот воздух во градот, особено со партикуларните честички (ПМ10 и ПМ2,5). Една од поголемите причини за емисија на овие честички е затоплувањето на објектите кои не се приклучени на централно греење, пред се, заради нецелосното и несоодветно согорување на огревното дрво, несоодветниот квалитет на дрвото и начинот на негово чување и употребата на стари, дотраени и технички неисправни печки, како и нередовно чистење и одржување на оџаците. Мерката има цел да постигне краткорочни и некои подолгорочни ефекти, како што се постигнување на подобро согорување, намалување на штетните отпадни гасови, појава на саѓи и трошоците за затоплување, како и подигнување на јавната свест кај граѓаните за потребата за чистење на оџаците.
.
