Холивудската актерка Глен Клоуз и оваа година остана без Оскар. Таа беше номинирана во категоријата за најдобра женска улога во филмот „The Wife“.
Поразена е од колешката Оливија Колман, која го освои Оскарот за улогата во филмот „The Favourite“.
Социјалните мрежи синоќа беа преплавени од коментари, а корисниците иако и честитаа на Колман, едноставно не можеа да веруваат дека легендарната актерка не освои уште еден Оскар.
Ова беше нејзина седма номинација.
Од друга страна, и самата Колман и оддаде признае на славната актерка, кога во текот на својот говор рече дека Глен Клоуз е легенда и нејзина омилена актерка, па не очекувала дека ќе ја запознае на овој начин.
ФОТО: EPA / NINA PROMMER
