Двајца гости ноќеска демолирале угостителски објект на булевар Србија откако вработениот не им донел пијалок бидејќи му истекло работното време. Повредени се повеќемина.
Полицијата соопшти дека двајцата збеснале откако биле одбиени да бидат услужени од кенлерот и почнале да го кршат инвентарот, да превртуваат маси и да фрлаат со маси и столови по останатите присутни гости во објектот, по што излегле од објектот.
На повреди се пожалиле повеќе лица, но само В.Н. (45) од Скопје побарал лекарска помош во Градската општа болница „Св. Наум Охридски“.
Увид на местото на настанот извршила екипа од СВР Скопје. Се преземаат мерки за пронаоѓање на лицата и за целосно расчистување на случајот.
