Секојдневно има пет – шест новозаболени од морбили, дел од нив се пуштаат на домашно лекување, а дел се задржуваат во Клиниката за инфективни болести, изјави денеска министерот за здравство, Венко Филипче, по посетата на ЈЗУ Здравствен дом во Велес.
– Упативме апел и до другите инфективни одделенија каде има места, да бидат подготвени и да ги хоспитализираат тие пациенти. Воедно за тоа разговаравме и со директорот на Велешката општа болница. Нема начелно зголемување на бројот на случаи. Сѐ уште расте бројот на вакцинираните деца и возрасни, што е за поздравување, и искрено се надевам дека оваа тенденција и понатаму ќе продолжи за епидемијата да заврши во што е можно пократко време, потенцира министерот Филипче.
