35-годишниот Турчин Алсин Левент е возачот кој во неделата ја предизвика страотната сообраќајка во Германија во која загинаа Шабан Шаулиќ и неговиот клавијатурист и пријател Мирсад Кериќ, а повреден е кумот на пејачот, Слободан Стојадиновиќ, објавија „Вечерње Новости“.
Возачот Левент, кој според првичните информации, бил и под дејство на алкохол, се води дека е уапсен. Но тој не е во затвор, туку во болница, затоа што е повреден и под постојан надзор од полицијата, открива извор, според официјални информации од полицијата.
Да биде трагедијата уште поголема, според информациите, Левент немал ниту возачка дозвола, а возел туѓ автомобил кога удрил во автомобилот со кој Шаулиќ и неговите сопатници се возеле накај аеродромот.
Посмртните останки на Шаулиќ денеска се префрлени во Погребниот институт, каде задутре ќе биде извршена обдукција.
