Еден од најтажните денови за Македонија. Сочувство до семејствата на сите загинати, а на повредените им посакуваме брзо закрепнување, порачаа ДНК на социјалните мрежи.
– Сите сме во мислите со семејствата на настраданите и повредените во оваа трагедија. Многу тажен ден за Македонија… Примете искрено сочувство – напиша пејачката Каролина Гочева на својот Фејсбук.
За во недела е презакажан концертот кој таа требаше да го одржи утре, заедно со Македонската филхармонија.
За големата трагедија се огласија и Викторија Лоба, Елена Ристеска и Кристина Арнаудова.
– Искрено сочувство до фамилиите на загинатите во сообраќајната несреќа кај Карпалак, нека почиваат во мир – напишаа Некст Тајм.
Во вчерашната сообраќајна несреќа, што се случи на автопатот Скопје-Тетово, починаа 14 лица.
Денеска и утре се прогласија за денови на жалост.
Photo: EPA / Frosina Novakovic
