Собранискиот спикер Талат Џафери попладнево во неколку минути по 18 часот го потпиша решението за распишување на претседателските избори, чиј прв круг ќе се одржи на 21 април, а вториот круг на 5 мај.
– Треба да оржиме избори какви што и доликуваат на европска демократска држава. Апелирам до сите учесници во изборниот процес да се однесуваат според Уставот и законите, а надлежните институции да се погрижат тој ден да помине во свечена и деморкатски атмосфера – рече Џафери.
Претседателот на Собранието порача дека граѓаните се единствен легитимен авторитет кој ќе одлучи кој ќе ја добие честа и одговорноста да биде шестиот претседател на Македонија.
