Претседателскиот кандидат Амди Бајрам во вечерашното гостување на телевизија 24 Вести извади шише Кока-кола со неговиот лик, што ќе биде адут во кампањата и ќе се вика „Амди-кола“.
– Бренд си е бренд, јас сум многу јак – рече Бајрам и најави дека вакви шишиња веќе се печатат.
Тој вели дека ја напуштил коалицијата со ВМРО-ДПМНЕ, бидејќи од таму си заминале Никола Груевски и Сашо Мијалков и немал со кого да соработува.
– Подобро ВМРО-ДПМНЕ мене да ме одбереше за претседател отколку Мицкоски, побрзо ќе ја извадев од кал. За мене тој не е лидер, јас сум многу поискусен од него – вели Бајрам.
