Поранешниот фудбалер и тренер на Црвена ѕвезда, Роберт Просинечки, по трет пат ќе биде опериран во Сараево поради проблеми со дивертикулумот на дебелото црево.
Планираната хируршка процедура е закажана за 15. февруари, потврдија од Клиничкиот центар на Универзитетот во Сараево за „Дневни аваз“.
Актуелниот тренер на репрезентацијата на Босна и Херцеговина по враќањето од Лас Палмас на 18. ноември, каде ги предводеше БиХ против Шпанија во пријателски натпревар, се пожали на болки во стомакот и четири дена подоцна беше хоспитализиран.
Веднаш му беше извршена четиричасовна операција, а потоа уште една пократка на 1. декември.
Се верува дека Просинечки ќе биде подготвен да го води тимот на Босна во квалификациите за Европското првенство 2020.
