Над 11 милијарди долари достигна штетата од пожарите во Калифорнија

33
ФОТО: EPA / EUGENE GARCIA

Барањата за исплата на осигурување за штетите од пожарите што лани во ноември ја зафатија американската сојузна држава Калифорнија достигнаа до 11,4 милијарди долари.

Повеќе од осум милијарди долари се однесуваат на штетата што пожарот во ноември ја нанесе на гратчето Передајс во северна Калифорнија, каде загинаа 86 лица, а беа уништени околу 15.000 домови.

Останатите три милијарди долари се однесуваат на штетата што во исто време беше направена во два пожара во јужна Калифорнија.

Државниот претставник за осигурување Рикардо Лара изјави дека очекува бројот на барања да расте, но не драматично.

Досега вкупната штета од пожарите во текот на минатата година изнесува околу 12,4 милијарди долари.

Во низата пожари што се случија во 2017 година во лозарското подрачје во северна Калифорнија и во делови на југот на државата, штетата достигна 11,8 милијарди долари.

Американските медиуми посочуваат дека на луѓето во тие области им е се потешко да добијат осигурување, иако Лара вели дека се уште не дошло до тоа сопственик на куќа да не може да ја осигура.

ФОТО: EPA / EUGENE GARCIA

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...