Пратеникот Владимир Ѓорчев денеска од Собрание ќе обелодени дека ќе се пријави на огласот на својата партија ВМРО-ДПМНЕ за кандидат за претседател на државата, потврди Ѓорчев за Плусинфо.
Пратеникот ќе одржи прес-конференција во Собрание на која со јавноста ќе ги сподели своите намери да стане претседателски кандидат на ВМРО-ДПМНЕ на претстојните претседателски избори.
Ѓорчев е пратеник на ВМРО-ДПМНЕ и од 2006 година до денеска во пет пратенички мандати важи за една од ударните партиски тупаници.
Тој е оженет со сопругата Сузана, со која живеат во Скопје и имаат 4 деца, Марта, Филип, Никола и Катерина.
Ѓорчев годинава ќе наполни 41 година, односно го исполнува условот да се кандидира за шеф на државата.
