За време на извршувањето на своите секојдневни активности за собирање и транспорт на комуналниот отпад, вработените во ЈП „Комунална хигиена“ – Скопје неретко се изложени на разни видови ризици и опасности.
Во текот на денешниот ден, во исфрлена вреќа со отпад на улицата Македонска преродба во скопската општина Ѓорче Петров, нашите оперативци забележале шок-бомба. Еко-патролата на ЈП „Комунална хигиена“ – Скопје веднаш интервенирала, при што е констатирано дека станува збор за потенцијално опасен отпад од распрскувачки материи, за што била информирана и Полицијата. Извршен е увид на местото на настанот, информираа од на ЈП „Комунална хигиена“ – Скопје.
Од ова претпријатие апелираат до граѓаните, заедно со својот комунален отпад никогаш да не исфрлаат токсични, опасни или штетни материи, коишто можат сериозно да го загрозат здравјето на вработените во Претпријатието коишто секојдневно се во контакт со отпадот при извршувањето на своите работни задачи.
