Казна од 15.000 евра за македонскиот ракометен шампион Вардар од Европската ракометна федерација (ЕХФ) поради навредливата парола кон тренерот на полски Кјелце, Талант Душебаев за време на дерби мечот во СЦ „Јане Сандански“ пред крајот на минатата година.
– Паролата е навреда директно насочена кон дигнитетот и приватноста на Талант Душебаев, без притоа да се навлегува во сексуалната ориентација, ова е акт на хомофобија. Содржината на паролата ги нарушува сите принципи на спортот – се наведува во образложението на ЕХФ.
Дисциплинската комисија на ЕХФ го казни Вардар, затоа што црвено-црните не направиле ништо за да ја отстранат истaта.
ФОТО: EPA/GEORGI LICOVSKI
