Обвинителката од СЈО Ленче Ристоска во интервју за Дојче Веле вели дека смета оти довербата во обвинителството паднала поради повеќе причини, меѓу кои и политичките случувања.
– Лично сметам дека падот на довербата во СЈО е последица на повеќе околности од кои дел се поврзани со општествено политичките случувања во земјата, а се доведуваат во корелација со работењето на институциите на системот. Се надевам дека во периодот што следи СЈО ќе успее да ја врати довербата на граѓаните, бидејќи довербата на граѓаните во институциите е од суштинско значење за унапредување на состојбите во нашето општество – вели Ристоска одговарајќи на прашањео на што се должи падот на довербата најмногу на околностите за бегството на Груевски за кои „удел“ му се припишува и на СЈО, или има и други причини?
Ристоска беше избрана за прв обвинител за врски на Македонија во телото за судска соработка на ЕУ во областа на кривичното право Европравда (Eurojust), а во интервјуто за Дојче Веле таа најмногу зборува токму на оваа тема. Целото интервју можете да го прочитате ТУКА.
