Предупредувачки курушуми во воздух и четири приведени лица, меѓу кои и двајца 17- годишни малолетници, се последиците по физичката пресметка на повеќе лица што ноќеска по полноќ се случила во таканареченото Ромско маало на улицата „29 Ноември“ во Тетово, информираа од СВР Тетово.
Според полициските податоци тепачката била пријавена половина час по полноќ од страна на 17-годишно машко лице, по што на местото веднаш биле испратени полициски службеници кои презеле соодветни мерки за расчистување на настанот.
Во знак на предупредување и за раздвојување на учесниците во тепачката тие испукале и неколку куршуми во воздух.
На местото биле лишени од слобода Р.К.(42) и С.К.(41) од Тетово, додека двајцата малолетници на возраст од 17 години, исто така од Тетово, по укажаната лекарска помош во тетовската клиничка болница биле донесени во полициската станица во градот.
Полицијата работи на целосно расчистување на случајот.
