Лидерот на ВМРО-ДПМНЕ Христијан Мицкоски очекува победа на партијата на претстојните претседателски избори.
– Јас лично очекувам една голема победа на ВМРО-ДПМНЕ на следните претседателски избори – рече Мицкоски, во изјава пред Соборниот храм во Скопје каде присуствуваше на божиќната литургија.
Тој рече дека партијата го објавила конкурсот за избор на кандидат за претседател.
– ВМРО-ДПМНЕ е политичка партија која транспарентно се обраќа кон граѓаните и кон сите оние заинтерсирани кандидати кои сакаат да аплицираат на конкурсот, а се разбира ги исполнуваат условите кои што се со закон пропишани. Конкурсот трае до 31 јануари и тогаш јавноста ќе знае кои се имињата кои се пријавиле на тој конкурс. Од пријавените кандидати на конвенцијата ВМРО-ДПМНЕ ќе избере оној кој ќе понуди најдобра програма – рече Мицкоски.
Тој рече дека претседател се станува кога мнозинството граѓани ќе ја дадат довербата, на оној кандидат кој ќе освои најголем број од гласовите на сите етнички заедници во Македонија кои што ќе излезат да гласаат.
– Останувам на принципот дека во ова држава граѓаните терба да ги делиме на оние кои се лојални и не се лојани, а не според етнички принцип и етнички клуч. Тоа беше грешка во минатото, се злоупотребуваа етничките заедници. Тоа не треба да биде пракса во иднина. Во РМ треба да победи претседателски кандидат кој што ќе го освои мнозинството гласови на граѓаните на РМ – рече лидерот на ВМРО-ДПМНЕ.
