Јапонскиот ски-скокач Роју Кобајаши победи во генералниот пласман на турнејата „Четири скокалници“.
Младиот Јапонец испиша историја на ски-скоковите, откако победи на сите четири скокалници – Оберсдорф, Гармиш-Партенкирхен, Инсбрук и на крајот во Бишефсхофен.
Кобајаши им се придружи на Камил Стох и Свен Ханавалд, како единствен ски-скокач во историјата на овој спорт кој успеал да слави на сите четири скокалници.
И пред последниот натпревар беше јасно дека Кобајаши ќе оствари победа во вкупниот поредок, откако имаше огромна предност во однос на Германецот, Маркус Ајзенбихлер.
Во Бишефсхофен само ја потврди доминацијата и со скокови од 136 и 137 метри дојде до првото место. Втор заврши Давид Кубацки, а трет Штефан Крафт.
Фото: EPA/CHRISTIAN BRUNA
