На неодамна поставениот споменик на Фрањо Туѓман во Загреб осамна необичен графит. На натписот „Фрањо Туѓман, прв хрватски претседател“, кој стои на постаментот на споменикот, некој со спреј нацртал срп и чекан – симбол на пролетерската солидарност, кој станал еден од препознатливите симболи на комунизмот.
Не е познато дали авторот на графитот сакал да го искаже своето противење на Туѓмановата антикомунистичка политика од девдесетите или да посети дека Фрањо Туѓман своевремено бил Титов генерал и член на Комунистичката партија, јавува хрватски „Индекс“.
