Фирма на Маја Трендафилова Макрадули, една од четирите нејзини сопственици, добила девет договори за јавни набавки во последните година и пол, пишуваат повеќе медиуми,
Трендафилова Макрадули е сопруга на заменик-министерот за животна средина Јани Макрадули, а називот на претпријатието е „Опен мајд солушнс“ со дејност за изработка и одржување на софтверски решенија.
Макрадули за телевизијата Канал 5 изјави дека нема никаква врска со фирмата на неговата сопруга која за година и пол добила девет договори за јавни набавки во вредност од 90.000 евра.
– Апсолутно нема судир на интереси, јас одговарам за моите одлуки и за она што го работам. Немам никаква врска со таа фирма, не се мешам во нејзината дејност. Некој сака да ме оцрни мене и мојот 30-годишен чесен труд – изјави Макрадули.
