Управата за јавни приходи сепак го продолжи рокот за регистрирање на даночна пријава, kој официјално истече на 31. декември 2018.
Регистрацијата ќе може да се направи и утре и во наредните денови, изјавиле од УЈП за 24 Вести.
Првичната бројка е 650.000 поднесени даночни пријави, а проектирано беше дека тоа треба да го направат 920.000 граѓани, а во оваа бројка влегуваат десетици илјади пензионери кои се ослободени од оваа обврска.
Даночниците ќе се обидат да стапат во контакт и со тие кои воопшто не покажале интерес, бидејќи, како што велат од Управата, не им е целта да казнуваат.
