Реформата ЌЕ

Политичката и институционалната криза со која се соочува Република Македонија во изминативе години, покажа дека целосно се нарушени принципите на владеењето на правото и на функционирањето на правната држава, а силната партизација на државните и јавните институции сериозно го нарушуваат интегритетот и кредибилитетот на институциите.

Една од клучните области во однос на евроинтеграцијата на Македонија е реформата на јавната администрација.

Но, до каде ќе одат таканаречените реформи во јавната администрација?

По големата галама за Рамковните административци кои со години седат дома, а земаат буџетски пари, пренатрупаната администрација која е нефункционална, непотребното вработување на повеќе од 50 советници во Владата, непотребното назначување на министри без ресор, сега предлагате секој директор на јавно претпријатие да добие свој заменик?!

Немате доволно место да ги вработите сите свои партиски послушници, па мора да измислите и наметнете нови работни места?

Ова е класичен обид за згрижување на своите партиски членови! Срамно, скандалозно и недозволиво е што покрај тоа предлагате и амандман со којшто и локалните претпријатија ќе добијат свои заменици. Свесни ли сте дека преку 2.000.000 евра годишно ќе бидат фрлени од џебот на граѓаните нерационално и непотребно?!

Согласно поставените цели, што е тоа што е реформирано досега?

1. Деполитизирана јавна администрација и вратена довербата на граѓаните во институциите?
2. Функционална правна држава и владеење на правото?
3. Подобрени политики кои ќе обезбедат развој во сите сфери на општеството?
4. Изградени структури и административни капацитети подготвени за процесот на преговори со ЕУ?
5. Институционално реорганизирана и оптимизирана јавна администрација?
6. Создадени нови и задржување на стручни и компетентни административни службеници?
7. Поедноставена и поефикасна примена на современи информатички технологии?
8. Одговорни, отчетни и транспарентни институции, раководни лица и вработени?
9. Испорачани квалитетни услуги на граѓаните и бизнисите?

Приоритетните мерки во областа Јавна служба и управување со човечки ресурси треба да бидат насочени кон деполитизација и оптимизација на администрацијата.

Реформите треба да започнат од врвот на пирамидата, со намалување на бројот на пратениците во парламентот од 120 на 90, со намалување на администрацијата, а не изнаоѓање начини како да стане уште побројна партизирана и нефункционална.

Авторoт е член на УК на ГДУ