Една жртва има во пожарот на улицата Јордан Мијалков што се случи попладнево, дознава Плусинфо од Министерството за здравство.
Телото на починатиот маж во пожарот од опожарениот објект го извлекла екипа на скопската Итна медицинска помош, а како што ни потврдија од Министерството за здравство, станува збор за помлад маж. Според привичните информации починатото лице било во продавницата за мопеди каде што избувна пожарот.
Уште едно лице е повредено во пожарот, но тоа, за среќа е, во добра здравствена состојба и не е задржан на скопските клиники, туку веднаш по укажаната помош од екипата на Брза помош, бил пуштен на домашно лекување.
Во МВР е пријавен пожар во објект, но засега не ни дадоа повеќе информации. На терен присутни беа седум противпожарникарни возила, голем број пожарникари, како и полицајци кои го регулираат сообраќајот од околните улици и булевари.
