Досегашниот претседател на адвокатската комора Никола Додевски поради притисоци и закани морал да се повлече од бранење на челниците на ВМРО-ДПМНЕ во постапките што ги покрена СЈО, тврдат за Сведок обвинети, на кои Додевски им беше адвокат.
Според нив, Додевски добил сериозни закани да се повлече од одбраната, а покрај тоа што ќе биде сведок во „Титаник“ против него била отворена истрага во СЈО, а истрага отворила и Финансовата полиција.
Тие ги испитуваат приливите кои ги добивал Додевски од разни јавни претпријатија и институции, за подоцна, да стане адвокат на речиси сите осомничени во постапките пред СЈО.
Од денеска, Додевски ја напушта и челната позиција во Адвокатската комора.
