Денеска се навршуваат 17 години од заседата кај Вејце во конфликтот од 2001 година каде свирепо беа убиени осуммина припадници на македонските безбедносни сили.
Во Битола денска и беше одддадена почит на на загинатите Марјан Божиновски, Кире Костадиновски, Бошко Најдовски и Илче Стојановски. Во масакрот кај Вејце, загинаа и бранителите Роберт Петковски од Бунарџик, Скопје, Бобан Трајковски од Куманово, Игор Костески од Скопје, Миле Јаневски од Македонска Каменица.
Делегации се поклонија и положија свежо цвеќе пред споменикот на загинатите бранители во кругот на СВР Битола, споменикот Ангел кај градскиот часовник, како и на нивните вечни почивалишта во с. Породин, Долно Оризари, на старите гробишта во Битола, и пред споменикот во с.Ивањевци.
Масакрот се случи на 28 април 2001 година во 17:45 часот, кога припадници на т.н. ОНА извршија напад врз патролата на безбедносните сили.
