Ѕвездата на „Keeping up with the Kardashians“, Кејтлин Џенер е една од натпреварувачите во новата сезона на „Јас сум ѕвезда, извадете ме оттука“, пренесува „Метро“.
Џенер – татко на Кендал и Кајли и поранешен сопруг на Крис Џенер – ќе оди во Австралија за да земе учество во познатото британско шоу. Наводно, ќе го земе најголемиот надоместок за учество досега – дури 500.000 фунти.
– Ја прашуваа секоја година дали сака да учествува, таа најпосле прифати – вели извор за „Сан“.
Со Џенер во џунглата ќе биде и поранешната членка на „Girls Aloud“, Надин Којл. За Којл се вели дека е на листата со надеж дека ќе каже нешто за минатото на групата.
Диџеј, фудбалер, актерка, водителка, рагби играч, синот на пејачот од „Wham!“, како и победникот на Х Фактор, дел од групата „Рак-Су“, Мајлс Стипенсон исто така ќе бидат дел од играта.
ФОТО: Инстаграм
