Претседателот на бордот на директори на Акционерското друштво за стопанисување со станбен и деловен простор, Џеват Исени, на снимка што сам ја споделил на социјални мрежи, а ја објави телевизија Канал 5, се гледа како на свадбена веселба се појавува со пиштол во појасот.
Иако според закон забрането е носење на огнено оружје на јавно место, јасно се гледа дека додека тој врти оро, на појасот му е закачен пиштол.
– По објавата на Канал 5 демантирам дека пиштолов е тоа што тие мислат. Тоа е гасен пиштол, кој е само сигнален. Поседувам и уредна дозвола – вели Исени.
