Претседателот на Собранието Талат Џафери за во 16 часот попладне ја закажа пленарната седница со единствена точка на дневен ред, предлог – закон за амнестија, по скратена постапка.
Претходно Интерпарламентарната група за помирување го усогласи предлог-законот за амнестија. Битно од предлог законот е дека амнестијата не ги опфаќа организаторите и подготвувачите на настанот, лицата кои извршиле физичко насилство, кои носеле оружје и експлозивни направи како и службени лица кои ги пречекориле службените овластувања.
Исто така од амнестија ќе бидат изземени и лицата кои се товарат за здружување заради непријателска дејност и убиство.
