Ми претставува особена чест и задоволство од мое лично име и од име на пратениците во Собранието на Република Северна Македонија, на сите верници од Католичка вероисповед кои живеат во и надвор од границите на Република Северна Македонија да го честитам големиот христијански празник, Воскресение Христово – Велигден, нашиша во честитката претседателот на Собранието Талат Џафери.
„Во оваа прилика, би сакал да Ви упатам искрени желби за добро здравје, радост и спокој во кругот на вашите најблиски. На овој голем празник, Ви посакувам да го славите животот со сета своја вистинска убавина и исполнети со најголемиот дар на овој ден Велигден, а тоа е надежта. Затоа, во духот на празникот, Ви пожелувам надежта и љубовта да царуваат во вашите срца, вашите домови и секаде околу вас“, напиша Џафери во честитката .
Тој во честитката се заблагодарува на католичката заедница за големиот придонес кој секојдневно го дава на сите полиња на општественото живеење.
