На кумановскиот градски плоштад се поставува ново улично осветлување – информираа денеска од ЈП „Куманово-паркинг“. Поставувањето канделабри со штедливи светилки веќе започна, а денеска и на градскиот кеј почна да се поставува улично осветлување.
Новото осветлување се очекува да блесне за 20 дена.
– Предвидено е да бидат поставени 61 канделабра на градскиот плоштад и на главниот и на малиот кај центарот за култура. Ова е еден вид на пилот проект преку кој ќе добиеме податоци колку ќе заштедиме со поставување на штедливи светилки – изјави директорот на претпријатието, Фадиљ Шабани.
За замената на постоечкото и поставување на новото осветлување, претпријатието оддели 2,275 милиони денари, без Данок на додадена вредност.
Од денеска се поставуваат и канделабри со штедливи светилки и на градскиот кеј каде дел од сијалиците и столбовите беа оштетени.
