Скопјанка вчера попладне во полиција пријавила дека била измамена за сума од 10.000 евра.
Според МВР, претходниот ден на домашниот телефон нејзе и се јавил женски глас и ѝ се претставил како ќерка ѝ, која и кажала дека направила сообраќајка и ја прашала колку пари имаат дома.
Веднаш потоа разговорот го продолжил маж, кој на 43-годишната скопјанка ѝ рекол дека ќерка ѝ во сообраќајна несреќа прегазила девојче од Албанија, кое починало, поради што ќерка ѝ треба да оди во затвор од пет до 15 години.
По тоа, мажот дошол пред нејзиниот дом, по што загрижената мајка му дала 10.000 евра.
Таа утврдила дека е измамена дури кога се слушнала со својата ќерка.
