Специјалната обвинителка во оставка, Катица Јанева, пристига во СЈО, откако во минатиот понеделник поднесе оставка на функцијата која треба да стапи на сила по изборот на новиот обвинител, а во вторникот отвори боледување.
Според информации на Плусинфо, засега нема сознанија дали Јанева ќе даде изјава за медиумите, ни дали веќе се сретнала со својот тим.
Претпладнево Јавното обвинителство соопшти дека е обезбеден и другиот телефон на Јанева, за кој се тврдеше дека е изгубен. Мобилниот на Јанева е пронајден кај лице коешто изјавило дека му бил даден на подарок.
Јанева се поврзува со случајот „Рекет“ поради што и беше одземен телефонот и даден на вештачење.
