Поранешниот министер за транспорт и врски Миле Јанакиески е меѓу приведените утрово во големата полициска акција на полицијата по наредба на Обвинителството за организиран криминал и корупција, која била спроведена на неколку локации во Скопје, дознаваме неофицијално.
Освен Јанакиески обезбедени за распит во суд се уште десетмина поранешни функционери, административци и лица кои вршат работи од јавен интерес.
Дел од приведените се вработени во Министерството за танспорт, во Катастар и бизнисмен за Шпанските скали.
– По неколку месечна сеопфатна предистражна постапка, денеска по насоки на надлежен јавен обвинител од Основното јавно обвинителство за гонење на организиран криминал и корупција се преземаат дејствија за обезбедување на осомничени лица на повеќе локации во Скопје. Меѓу осомничените има поранешни високи функционери, административни службеници и лица кои вршат работи од јавен интерес, велат од МВР.
