Поранешниот министер за транспорт и врски, Миле Јанакиески и екс генералниот секретар на Владата, Кирил Божиновски во понеделник на јавна седница во Апелациониот суд ќе ги образложат жалбите за определената мерка притвор, која бараат да им биде укината, потврдиле од судот за МКД.
Двајцата се наоѓаат во притвор како осомничени во предметот „Титаник“. СЈО побара таква мерка бидејќи, како што посочија оттаму, планирале бегство на ист начин како Груевски.
Покрај за нив двајца, наредниот период се очекува во второстепениот суд да се закаже и седница за притворот на поранешниот директор на УБК, Сашо Мијалков, кој мерката ја доби како обвинет во случајот „Таргет-Тврдина“.
