Светските медиуми пишуваат дека контроверзната актерка и пејачка Линдзи Лохан (33), е во врска со принцот на Саудиска Арабија, Мохамед бин Салман (33).
Се шпекулира дека Линдзи и Мохамед се сретнале пред една година на трката на Формула 1 Гранд при после што размениле телефонски броеви и почнале да се допишуваат. Иако допишувањето на почетокот било од пријателски карактер, пријателите на популарната Линдзи тврдат дека во меѓувреме ситуацијата се „вжештила“.
Мохамед ѝ ја дал својата кредитна картичка, а со неговиот приватен авион го обикoлуваат целиот свет.
– Луди се по неа тука – изјавил близок извор за „ПејџСикс“.
Според „Пејџ сикс“, помеѓу холивудската актерка Линдзи Лохан и саудискиот принц Мохамед бин Салман постои многу повеќе од пријателство, а нивните блиски пријатели тврдат дека „добро се познаваат“.
Овие тврдења ги демантира нејзиниот портпарол, кој пак, тврди дека не ѝ подарил кредитна картичка.
Но, пријателите на Линдзи тврдат дека ги виделе приватните СМС-пораки што ги разменуваат двајцата и дека во нив не станува збор за пријателство.
Во последниве години, Линдзи Лохан беше воодушевена од арапскиот свет, па дури најавуваше и свој сопствен, женски филм „Frame“, кој би ја прикажал саудиската култура.
Американската Централна разузнавачка агенција (ЦИА) откри дека наредбата за убиството на новинарот Џамал Кашоги во Истанбул ја издал саудискиот престолонаследник, принцот Мохамед бин Салман.
Сенатот на САД едногласно ја усвои резолуцијата во која саудискиот принц, Мохамед бин Салман е посочен како одговорен за убиството на саудискиот новинар, Џамал Кашоги.
Деталите за бруталното убиство на саудискиот новинар Кашоги сè уште не се расветелени. Турското обвинителство откри дека тој бил брутално задавен по влезот во Конзулатот и дека неговото тело е распарчено и уништено.
Кашоги свирепо беше убиен на 2 октомври минатата година во Конзулатот на Саудиска Арабија во Истанбул.
