Влатко Ѓорчев, пратеник од ВМРО – ДПМНЕ го обвини премиерот Зоран Заев дека се тргаат луѓе кои се неистомисленици.
Тој на собраниската седница денеска говореше за оставката на Петар Атанасов и за разрешувањето на министерот за финансии Драган Тевдовски кое, според него, е погрешно.
– За Драган Тевдовски може било кој што да каже, но сите знаеме дека е чесен. Драган Тевдовски има образ и е чесен. Не се согласувам со неговите политики и неговиот концепт, но во оваа Влада има барем 10-15 министри на кои местото им е да им се побара оставка. Цела оваа метла се сведе на тоа Драган Тевдовски да го изгуби ресорот – рече Ѓорчев.
Во репликата, Заев појасни дека проценил оти Атанасов во моментов не може да ја извршува министерската функција во Министерството за образование.
– Не е соодветно време тој да ја преземе палката на Министерството за образование. Ги знам и предностите, ги знам и слабостите. Така сум оценил – истакна Заев.
Седницата продолжува утре во 11 часот, а на дневен ред е именувањето на новите министри. на почетокот на денешната седница премиерот Заев го повлече предлогот, тој, покрај премиерската финкција, да ја извршува и функцијата министер за финансии.
